د افغان هويت بېرته ترلاسه کول: ملت يو، سرحدونه بې‌مانا

له يوې پېړۍ زياته موده ده چې د افغان هويت پرې کړل شوی، تحريف شوی او د امپراطوريو او ګاونډيو هېوادونو له‌خوا له اصله واړول شو. له استعماري تړونونو تر نننۍ رسنۍ پورې، نړۍ ته دا دروغجن تصوير وړاندې شوی چې افغانان — په ځانګړي ډول پښتانه — يو بې‌ريښه، بې‌دولته، يوازې جګړه‌مار او له تېر تاريخه بې‌برخې خلک دي.

خو مونږ بهتره پوهېږو. او اوس وخت دی چې نړۍ هم پوه شي.

د افغان هويت تعريف د ۱۸۹۳ کال د برتانوي کرښې له‌خوا نه کېږي، نه هم د هغو سياسي جوړښتونو له‌خوا چې د هغې کرښې په سيوري کې راټوکېدل. افغان هويت يو ژوندی تاريخ دی — دا د خوشحال خان خټک په شاعرۍ کې شته، د مېوند د ملالۍ په مقاومت کې شته، د غني خان په فلسفه کې شته، او د هغو ميليونو افغانانو په ژبه، کلتور او ژوند کې شته چې لاهم د غرونو او دښتو ژبه ژوندي ساتي، که څه هم يوه پېړۍ کېږي چې په زوره سره وېشلي شوي دي.

متحده افغان تړون (UAF) دا باور لري چې د افغان ملت روح او ريښه د دروغجنو، استعماري پولو په چوکاټ کې نشي بندېدای. مونږ د پولو نه هاخوا يو ملت يو — مونږ د وينې، تاريخ، کلتور او ګډو دردونو سره سره تړلي يو.

له کابل تر کوټې، له کندهار تر خيبره، پښتانه او ټول پراخ افغان ولس له ګډو ننګونو سره مخ دي: بې‌کوره کېدل، عسکريت، د هويت محوه کېدل، او اقتصادي بې‌پروايي. دا جلا ستونزې نه دي — دا د هماغه تاريخي ظلم دوام دی.

نو د هويت بېرته اخيستل يوازې يو فرهنګي کار نه دی — دا يو سياسي اقدام دی. دا د هغو پېړيو اوږده بې‌عزتي، تحريف او استعمار پر وړاندې مقاومت دی.

UAF د افغان کيسه بېرته خپلوي. مونږ عامه پوهاوی کوو، تنظيموو او تحرک رامنځته کوو — نه د کرکې د خپرولو لپاره، بلکې د يادونو د بېرته راژوندي کولو لپاره. ځکه يوازې هغه ملت چې خپل تېر وپېژني، کولی شي خپل راتلونکی جوړ کړي.

زموږ هويت دا نه دی چې نور يې راته تعريف کړي — دا هغه دی چې مونږ يې يوځای ادعا کوو، ژغورو، او پرې ویاړو.

سرحدونه خاورې وېشي، خو هغه ملت نشي وېشلای چې روح يې لا ژوندی وي.